دنیا میں ہماری کامیابی کیسے ممکن ہے ہمارا ویژن کیسا ہونا چاہیے

ویژن

آپ کا ویژن چند الفاظ پر مشتمل ہونا چاہیے جو آپ کی کمپنی کے بہترین مستقبل کی عکاسی کرتا ہو۔ آپ کا ویژن حوصلہ بڑھانے والا ، ایک مخصوص مدت میں مکمل ہونے والا ہونا چاہیے۔ اب اپنا ویژن تحریر کریں، آپ نیچے دی گئی مثالوں سے رہنمائی لے سکتے ہیں۔

 دنیا کی واحد فضائی سروس جو آپ کو گھر جیسا آرام دہ ماحول فراہم کرے ۔ ( ڈیلٹا ائیر لائن )

 دنیا کی واحد غذائی کمپنی جو غذائیت سے بھر پور غذا دنیا کے تمام ممالک کو فراہم کرتی ہے۔ (میز )

 ہم عزت و وقار کے ساتھ اپنے کرم فرماؤں کو دنیا کی لذیذ ترین باربی کیو پاکیزہ ماحول میں فراہم کرتے ہیں۔ (جیک بار بی کیو )

اپنی ویژن اسٹیٹمنٹ لکھتے وقت نیچے دیے گئے چار بنیادی سوالات کا جواب دیں۔

 اپنے ادارے کو کتنا اونچا اور بڑا دیکھنا چاہتے ہیں۔

کون سی اہم اور بنیادی خدمات / مصنوعات فراہم کرنا چاہتے ہیں؟

 کسی قسم کی مارکیٹ یا کسٹر کو اپنی مصنوعات فروخت کریں گے؟

کاروبار کی ترقی کے کتنے فیصد امکانات دیکھ رہےہیں؟

جب آپ مندرجہ بالا چار سوالات کا جواب دے دیں تو اب اپنی ویژن اسٹیٹمنٹ کو با مزید بہتر بنائیں ۔ اسے زیادہ سے زیادہ با حوصلہ اور پر کشش بنا ئیں ۔ یاد رکھیں اچھا ویژن ہمیشہ قابل عمل اور قابل پیمائش ہوتا ہے۔

مشن

مشن کا مطلب یہ ہے کہ آپ اپنے کسٹمرز کی زندگیوں میں کیا بہتری لا سکتے ہیں۔ یہ ایک بہت واضح سٹیٹمنٹ ہونی چاہیے کہ آپ کا اداراہ کیوں قائم ہوا۔ اس کی چند مثالیں درج ذیل ہیں ۔

دنیا کی تمام معلومات کو منظم کرتا اور عالمی سطح پر قابل رسائی اور مفید بنانا ہے۔ (گوگل)

 زندگی بھر قائم رہنے والی یادوں کو تخلیق کرنا۔ (کروز ہوئی ڈے)

گھر سے دور رہنے والے لوگوں کو ایسا محسوس کروانا کہ وہ اپنے دوستوں کے درمیان ہیں اور بہت اہم ہیں۔    ( میریٹ )

اپنی مشن سٹیٹمنٹ کا پہلا ڈرافٹ تیار کریں اور اس پر غور کریں کہ آیا یہ آپ کی کمپنی کی اقدار کے مطابق ہے ۔ اگر ضروری ہو تو آپ اس میں تبدیلی کر سکتے ہیں۔

اقدار

اقدار آپ کے طرز عمل اور معیارات کو طے کرتی ہیں۔ یہ طے کرتی ہیں کہ آپ کے ٹیم ممبرز ایک دوسرے کے ساتھ اور کسٹمرز کے ساتھ کیسا سلوک کریں گے ۔ اقدار ہمیشہ آپ کی کمپنی کی کارکردگی اور نتائج کو متاثر کرتی ہیں۔ آپ اپنی کمپنی کی اقدار طےکرنے کے لئے نیچے دی گئی مثالوں سے مدد لے سکتے ہیں۔

جواہد ہی

عزم

تخلیق

عزت

جذبہ

 ایمانداری

ٹیم ورک

ذمہ داری

 مثبت سوچ

خیال رکھنا

وارن بفٹ ، جو کہ ایک کاروباری کمپنی کے سابقہ سی ای او ہیں، کہتے ہیں : میں لوگوں کو ملازمت پر رکھتے وقت ان تین چیزوں کو ترجیح دیتا ہوں کہ ان میں ایمانداری، ذہانت اور توانائی کا لیول کتنا ہے۔ اگر کسی میں پہلی چیز نہ پائی جائے (ایمانداری ) تو سمجھیں کہ دوسری دو چیزیں آپ کی ہلاکت کا باعث بنیں گی ۔

مقاصد

اس لحاظ سے آپ کے مقاصد کی تین طریقوں سے پیمائش جا سکتی ہے

آپ کے کسٹمر کے لحاظ سے پیمائش کی جائے۔

 آپ کی کمپنی میں کام کرنے والے ملازمین کے حساب سے پیمائش کیا جائے۔

آپ کی کمپنی کے اثاثہ جات کی مدد سے پیمائش کی جائے۔

اپنے مقاصد کا تعین کرتے وقت ان باتوں کا خیال رکھیں

 آپ کیا کیا کرنا چاہتے ہیں؟

 آپ نے اپنی کار کردگی کی پیمائش کیسے کرنی ہے؟

اپنی کار کردگی کی پیمائش کے بعد آپ کا اگلا ہدف کیا ہوگا ؟

مقاصد کا چارٹ

 آپ نے اپنے ادارے کے کس شعبے کی کارکردگی کی پیمائش کرنی ہے؟

 کیسے پیائش کرنی ہے؟

اس میں آپ کے صارفین کی کتنی بھلائی ہوگی؟

پراڈکٹس کے سروے کا کیا طریقہ ہو گا ؟

اس ضمن میں جیک ویلچ ، جنرل الیکٹرک کے سابق سی ای او کا کہنا ہے : ” مقصد کے حصول کے لئے سب سے پہلے جانچنے کی بات یہ ہے کہ آپ کے صارفین آپ کی پراڈکٹس سے کتنے مطمئن ہیں اور کیا آپ کے ادارے یا کمپنی میں پیسے کی گردش ٹھیک ہو رہی ہے۔

********